A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Saturday 28 November 2015

សាលា​ឧទ្ធរណ៍​បើក​សវនាការ​ករណី​លោក​ ហុង សុខហួរ​ ពេល​វិបត្តិ​នយោបាយ​ឡើង​កម្តៅ​​

សាលា​ឧទ្ធរណ៍​បើក​សវនាការ​ករណី​លោក​ ហុង សុខហួរ​ ពេល​វិបត្តិ​នយោបាយ​ឡើង​កម្តៅ​​

នៅ​ក្នុង​ខែ​តុលា​​ លោក​ ហុង សុខហួរ​ ត្រូវ​បាន​តុលាការ​សាលា​ដំបូង​រាជធានី​ភ្នំពេញ​បដិសេធ​សំណើ​សុំ​នៅ​ក្រៅ​ឃុំ​របស់​លោក។
ភ្នំពេញ — 
voa

លោក​ ហុង​ សុខ​ហួរ សមាជិក​ព្រឹទ្ធសភា​នៃ​គណបក្ស​ សម​ រង្ស៊ី ត្រូវ​បាន​អម​ដំណើរ​ដោយ​ប៉ូលិស​នៅ​ឯ​តុលាការ​ក្រុង​ភ្នំពេញ កាល​ពី​ព្រឹក​ថ្ងៃ​ទី​២ ខែ​តុលា ឆ្នាំ​២០១៥។

តុលាការ​សាលា​ឧទ្ធរណ៍នឹង​បើក​សវនាការនៅ​ថ្ងៃ​ទី​៣០​វិច្ឆិកា​ខាង​មុខនេះ​ ដើម្បី​ជំនុំជម្រះសំណុំ​រឿង​របស់​លោក ​ហុង​ សុខហួរ​ សមាជិក​ព្រឹទ្ធសភា​គណបក្ស​ប្រឆាំង ​ដែល​ជាប់​ចោទ​ពី​បទ ​«ក្លែង​បន្លំ​ឯកសារ​សាធារណៈ​ ប្រើ​ប្រាស់​ឯកសារ​សាធារណៈ​ក្លែងក្លាយ​ និង​បទញុះ​ញង់​បង្ក​ឲ្យ​មាន​ភាព​វឹក​វរ​ធ្ងន់​ធ្ងរ​ដល់​សន្តិសុខ​សង្គម‍»។​ នេះ​បើតាម​ការ​បញ្ជាក់​ពី​មេធាវី​ការពារ​ក្តី​របស់​សមាជិក​ព្រឹទ្ធសភា​ដែល​កាន់​សញ្ជាតិ​ខ្មែរ​ និង​សញ្ជាតិ​បារាំង​រូបនេះ​ និង​តាម​លិខិត​អញ្ជើញ​មេធាវីចុះ​ហត្ថលេខា​ដោយ​អ្នក​ស្រី​យិន​ សុគន្ធារី​ ព្រះ​រាជ​អាជ្ញា​នៃ​តុលាការ​សាលា​ឧទ្ធរណ៍។​

សវនាការ​នេះ​គឺ​ជា​សវនាការ​ដែល​នឹង​ត្រូវ​ធ្វើឡើង​តាម​ការ​ប្តឹង​របស់​លោក​មេធាវី​ការពារ​ក្តី​ឲ្យ​លោក​ហុង សុខហួរ ដែល​បាន​ស្នើ​ឲ្យ​សាលា​ឧទ្ធរណ៍​បដិសេធ​សាល​ក្រម​របៀប​របស់​តុលាការ​សាលា​ដំបូង​រាជធានី​ភ្នំពេញ​ដែល​បង្គាប់​ឲ្យ​លោក ​ហុង សុខហួរ ​ផ្តល់​ម៉ាស៊ីន​កំព្យូទ័រ​ដែល​លោក​បាន​ប្រើ​ប្រាស់​ក្នុងការ​ទាញ​យក​ឯកសារនិយាយ​ពី​សន្ធិសញ្ញាព្រំដែន​មួយ​រវាង​កម្ពុជា​ និង​វៀតណាម។​

លោក​ ជួង ជូងី​ មេធាវី​ការពារ​ក្តី​ឲ្យ​លោក​ហុង សុខហួរ​ មាន​ប្រសាសន៍​ប្រាប់​ VOA ​ នៅ​ថ្ងៃ​ព្រហស្បតិ៍នេះ​ថា​ សវនាការ​នេះ​នឹង​ផ្តោត​លើការ​បដិសេធ​សាលក្រម​របៀបនេះ​ ហើយ​វា​នឹង​មិន​មាន​ការ​ជាប់​ពាក់​ព័ន្ធ​ក្នុង​ការ​សុំ​ឲ្យ​លោក​សមាជិក​ព្រឹទ្ធ​សភា​រូបនេះ​បាន​ស្ថិត​នៅ​ក្រៅ​ឃុំ​ដូច​សវនាការ​ដែល​បាន​ធ្វើ​ឡើង​កាលពី​ពេល​មុន​នោះ​ទេ។​ លោក​ថ្លែង​ថា៖​

«សវនាការ​ថ្ងៃ​ទី​ ៣០​ វិច្ឆិកា​នេះ​ខុស​ពី​សវនាការ​មុនៗ។​ សវនាការ​មុនៗ​ពាក់​ព័ន្ធ​ទៅ​នឹង​ការ​សុំ​ដោះ​លែង​ក្រៅ​ឃុំ​ជា​បណ្តោះ​អាសន្ន​ ប៉ុន្តែ​សវនាការ​នេះ​ពាក់​ព័ន្ធ​ទៅ​នឹង​បណ្តឹង​ឧទ្ធរណ៍​របស់​ខ្ញុំ​ ប្រឆាំង​ទៅ​នឹង​សាល​ក្រម​របៀប ​ដែល​កន្លង​មក​សាលា​ដំបូង​រាជធានី​ភ្នំពេញ​បាន​ចេញ​សាលក្រម​របៀប​មួយ​ បង្គាប់​ឲ្យ​លោក​ហុង សុខ​ហួរ​ ផ្តល់​កំព្យូទ័រ​ដែល​គាត់​ធ្លាប់​ប្រើ​ក្នុង​ការ​ស្រាវជ្រាវ​យក​សន្ធិសញ្ញា​កម្ពុជា​ វៀតណាម ហើយ​តុលាការបង្គាប់​ឲ្យ​ខ្ញុំ​ ជា​មេធាវី​ និង​លោក​ហុង សុខហួរ​ផ្តល់​ភ័ស្តុតាង​ទៅ​តុលាការ​មុន​ ហើយ​ដែល​លោក​ហុង សុខហួរមិន​អាច​ផ្តល់​កំព្យូទ័រ​ឲ្យ​បាន។​ ក៏​ដូច​គ្នា​ខ្ញុំ​ជា​មេធាវី​របស់លោក​ហុង សុខហួរ​មិន​អាច​ផ្តល់​ភ័ស្តុតាង​ទៅ​តុលាការ​មុន​បាន​ទេ»។



លោក​ពន្យល់​ថា​ ការណ៍​ដែល​លោក​និង​កូនក្តី​បដិសេធ​មិន​ធ្វើ​តាម​សាលក្រម​របៀប​របស់​តុលាការ​សាលា​ដំបូង​រាជធានី​ភ្នំពេញ​គឺ​ដោយ​មាន​ការ​បារម្ភថា​ ភ័ស្តុតាង​នឹង​ត្រូវ​បាន​បំផ្លាញ​ដោយ​ភាគី​ពាក់​ព័ន្ធ​ក្នុង​សំណុំ​រឿង​ក្តី​នេះ។​ លោក​ថ្លែង​បញ្ជាក់​ថា​ សវនាការ​ដែល​នឹងធ្វើ​ឡើងនៅ​ពេល​ខាង​មុខ​នឹង​មិន​ទទួល​រង​ឥទ្ធិពល​នយោបាយ​នោះ​ឡើយ ​ព្រោះ​សវនាការ​នេះ​នឹង​ពិនិត្យ​មើល​លើ​តែ​កិច្ច​ការ​បច្ចេកទេស​ក្នុង​ការ​រក្សា​ទុក​ភ័ស្តុតាង​ ហើយ​ថា ​សវនាការ​នេះ​មាន​យុត្តិធម៌​ឬ​យ៉ាង​ណា​នោះ​គឺ​អាស្រ័យ​លើ​សិទ្ធិ​របស់​ចៅក្រម។​

«វា​អាស្រ័យ​ទៅ​លើ​ឆន្ទៈ​ មនសិការ​ ការ​ទទួល​ខុស​ត្រូវ​របស់​បុគ្គល​ដែល​ត្រូវ​បំពេញ​តួនាទី​ជា​ចៅ​ក្រម​ ប្រើ​អំណាច​តុលាការ។​ តើគាត់​ទៅ​សម្រេច​ត្រឹម​ត្រូវ​ ឬក៏​គាត់​ធ្វើ​ផ្តេស​ផ្តាស​ទៅ​តាម​ទំនើងចិត្ត​របស់​គាត់។​ អាហ្នឹង​អាស្រ័យ​ទៅលើ​បុគ្គល​រៀងៗ​ខ្លួន​ទេ​បាទ»។​

លោក​ជួង ជូងី​បាន​ដាក់​ពាក្យ​ប្តឹង​សុំ​បដិសេធ​សាលក្រម​របៀប​របស់​តុលាការ​សាលា​ដំបូង​រាជធានី​ភ្នំពេញ​តាំង​ពីដើមខែ​តុលា គឺ​ក្រោយ​ពេល​តុលាការ​សាលា​ដំបូង​រាជធានី​ភ្នំពេញ​ប្រកាស​សាលក្រម​នេះ​នៅ​ពេល​នោះ។​

នៅ​ក្នុង​ខែ​តុលា​ដដែល​នោះដែរ លោក​ហុង សុខហួរ​ត្រូវ​បាន​តុលាការ​សាលា​ដំបូង​រាជធានី​ភ្នំពេញ​បដិសេធ​សំណើ​សុំ​នៅ​ក្រៅ​ឃុំ​របស់​លោក​ ដោយ​តុលាការ​អះអាង​ថា​ ការ​ដោះ​លែង​ឲ្យ​លោក ​ហុង សុខហួរ ​នៅ​ក្រៅ​ឃុំអាច​បង្ក​ឲ្យ​«មាន​ភាព​វឹកវរ​នៅ​ក្នុង​សង្គម»។​

មក​ដល់ដើម​ខែ​វិច្ឆិកា​នេះ​ តុលាការ​សាលា​ដំបូង​រាជធានី​ភ្នំពេញ​ ម្តង​ទៀត ​បាន​បដិសេធ​សំណើ​របស់​លោក​ហុង សុខហួរ​សុំ​ស្ថិត​នៅ​ក្រៅ​ឃុំ។​ ការ​បដិសេធ​នេះ​ទទួល​រង​ការ​រិះគន់​ពី​អ្នក​តាម​ដាន​ស្ថាន​ភាព​សិទ្ធិ​មនុស្ស​នៅ​ក្នុង​ប្រទេស​កម្ពុជា។ ​ពួក​គេ​ថ្លែង​ថា​ លោក​ហុង សុខហួរ«មាន​ហេតុ​ផលគ្រប់​គ្រាន់​តាម​ផ្លូវ​ច្បាប់​ក្នុង​ការ​សុំ​នៅ​ក្រៅ​ឃុំ»​ ​ដោយ​លោក​បាន​បញ្ជាក់​ពី​បញ្ហា​សុខភាព​ មាន​តួនាទី​ជាក់​លាក់​ មាន​តម្កល់​ថវិកា​ធានា​ចំនួន​២០​លាន​រៀល​ តម្កល់​លិខិត​ឆ្លង​ដែន​ ​និង​សន្យា​ចូលរួម​តាម​នីតិវិធី​តុលាការ​គ្រប់​ដំណាក់​កាល​ជា​ដើម។​

VOA ​បាន​ព្យាយាម​ទាក់​ទងសុំការបំភ្លឺ​ពី​អ្នកស្រី​ យិន​ សុគន្ធារី​ ព្រះរាជ​អាជ្ញា​នៃ​តុលាការ​សាលា​ឧទ្ធរណ៍​ តែ​នៅមិន​អាច​ទាក់​ទង​បានទេ ​នៅ​ថ្ងៃ​ព្រហស្បតិ៍​នេះ។​

លោក​ អំ សំអាត​ ប្រធាន​បច្ចេក​ទេស​ស៊ើប​អង្កេត​នៃ​អង្គការ​ការពារ​សិទ្ធិ​មនុស្ស​លីកាដូ​ ថ្លែង​ថា​ រឿង​ក្តី​របស់​លោក​ ហុង សុខហួរ​ ពុំអាច​បញ្ចប់​បាន​ទេ​ បើ​មិន​មាន​ការ​ចរចា​ផ្នែក​នយោបាយ​មួយ​រវាង​គណបក្ស​គ្រប់​គ្រង​ប្រទេស​ និង​គណបក្ស​ប្រឆាំង​នោះ។​

«ខ្ញុំ​គិត​ថា​ ការ​ដែល​លោក​ ជួង​ ជូងី​ បាន​ន័យ​ថា​ មេធាវី​ឯក​ឧត្តម​ហុង សុខហួរ​ប្តឹង​ទៅ​សាលា​ឧទ្ធរណ៍​ ទាក់​ទង​សាល​ក្រម​របៀប​របស់​សាលា​ដំបូង​រាជធានី​ភ្នំពេញ​ហ្នឹង​ វា​គ្រាន់​ថា​ នេះ​ជា​រូប​ភាព​មួយ​តាម​នីតិ​វិធី​ច្បាប់​ ប៉ុន្តែ​អ្វី​ដែល​សំខាន់​នោះ​ ខ្ញុំ​ថា​ បើ​គ្មាន​ផ្នែក​ចរចា​ទាក់​ទង​រឿង​នយោបាយ​ណាមួយ​ទេ​ វាមិន​អាច​ដោះ​ស្រាយ​បានទេ​ ហើយ​ឯក​ឧត្តម​ ហុង សុខហួរ ​ក៏​មិន​អាច​នៅ​ក្រៅ​ឃុំ​បាន​ដែរ»។​

លោក​ថ្លែង​ថា​ សំណុំ​រឿង​នេះ​កាន់​តែ​ស្មុគ​ស្មាញ​ថែម​ទៀត​ ដោយសារលោក​ សម រង្ស៊ី ប្រធាន​គណបក្ស​សង្គ្រោះ​ជាតិ​ក៏ត្រូវ​បាន​តុលាការ​ចោទ​ថា​ បាន​រួម​គំនិត​ជាមួយ​លោក​ ហុង សុខហួរ​ដែល​កំពុង​ស្ថិត​ក្នុង​ពន្ធនាគារ​នោះ។​ តុលាការ​បាន​បង្គាប់​ឱ្យ​លោក​ចូលខ្លួន​បំភ្លឺ​នៅ​ថ្ងៃ​ទី​៤ ​ខែ​ធ្នូ​ខាង​មុខ ​ហើយ​ព្រមាន​ថា​ នឹង​ចេញ​ដីកា​នាំ​ខ្លួន​ ​ឬ​ចាប់​ខ្លួន​បើ​លោក​មិន​ព្រម​ចូល​តាម​ការ​កោះហៅ។​

លោក​ ហុង សុខហួរ​ សមាជិក​ព្រឹទ្ធ​សភា​មកពី​គណបក្ស ​សម រង្ស៊ី​ ត្រូវ​បាន​ចាប់​ឃុំ​ខ្លួន​កាល​ពី​ខែ​សីហា​កន្លង​ទៅ​ ពី​បទ​ «ក្លែង​បន្លំ​ឯកសារ​សាធារណៈ​ ​ប្រើប្រាស់​ឯកសារ​ក្លែង​ក្លាយ​ ​និង​ញុះញង់»​ ក្រោយ​ពេល​ដែល​លោក​បាន​បង្ហោះ​ឯកសារ​កិច្ច​ព្រម​ព្រៀង​រវាង​កម្ពុជា​និង​វៀតណាម​នា​ឆ្នាំ​១៩៧៩​នៅ​លើ​ទំព័រ​ហ្វេសប៊ុក។​ លោក ​ហុង សុខហួរ​ ត្រូវ​បាន​ចាប់​ខ្លួន​យ៉ាង​តក់ក្រហល់​ដោយ​កង​អន្តរាគមន៍​ពិសេស​នៃ​អគ្គ​ស្នងការដ្ឋាននគរបាល​ជាតិ​ ​ក្រោយ​ពី​មាន​បទ​បញ្ជា​ពី​លោក​នាយក​រដ្ឋមន្រ្តី ​ហ៊ុន សែន៕

5 comments:

Anonymous said...

បង្ហាញរឿងពិត គេចោទថាក្បត់ជាតិ ដូចអ្នក ដង្ហាញពី សំបុត្រកំណើតគេធ្វើពិត នៅខេត្តស្វាយរៀង ក៍ត្រូវជាប់គុក យួនបញ្ជាមិនឲ្យធ្វើបុណ្យអុំទូស តែនៅតែធ្វើ គេបិទភ្លើងមួយប្រទេស គេចង់បង្ហាញថា អ្វីៗវានៅក្នុង កណ្តាប់ដៃគេទាំងអស់ ហើយ វាថាឌូម៉ែ ពីថ្អៃនេះទៅ តែច្បាស ជាខ្មែរមើលមិនឃើញទេ ចយដឺកអើយ

Anonymous said...

He was a traitor with out doing anything just tell the truth to all Khmer Yes every body can write it but no one can sign like Hun sen did on that paper. It 's so amazing Hun sen did it but Sok Hou just post that in his face book than become a traitor. No want can do like HUN SEN and now look he cut CNRP head because CNRP are against YUON take Cambodian land . All CNRP are traitor??

Anonymous said...

Chea Chamroeun = Chkuot 4

Suon Serey Ratha = Chkuot 6

Khem Veasna = Chkuot 8

Mam Sonando = Chkuot 10 ( Ah Mer Lob Thom Cheang Ker )

Anonymous said...

Yuon's slave Government,

The EU is trying to help Khmer people and Cambodia. If you are a slave who has been just executing your master Yuon's orders, this is a good opportunity for you to balk at your master Yuon.

Stop oppressing Khmer people for your master Mr. Yuon's slave government.

Anonymous said...

I think Sok Hou will be Jail for a long time or may be die in that jail by just post the truth of Hun Sen secret paper in his face book. that is Cambodia wonder